Traditional Scottish Songs
- Barnyards of Delgaty
Barnyards of Delgaty
As I cam' in by Turra Market,
Turra Market for to fee,
I fell in wi' a mairket fairmer,
The Barnyards of Delgaty.Chorus
Lintin addie toorin addie,
Lintin addie toorin ee,
Lintin lowrin, lowrin, lowrin,
The barnyards of Delgaty.Chorus
He promised me the twa best horse
That ever were in Scotland seen,
But when I gaed doon tae the Barren Yairds,
There was naething there but skin and bean.Chorus
The auld black horse sat on its rump,
The auld white mare lay on her wime.
And for all that I could "Hup" and crack,
They wouldna rise at yokin' time.Chorus
When I gae to the kirk on Sunday,
Mony's the bonnie lass I see,
Sitting by her faither's side
And winkin o'er the pews at me.Chorus
I can drink and no be drunk,
I can fecht and no be slain,
I can lie wi another man's lass,
And aye be welcome to my ain.Chorus
Noo my candle is brunt oot,
My snotter's fairly on the wane.
Sae fare ye weel ye Barnyards
Ye'll never catch me here again.Chorus
Meaning of unusual words:
for to fee=to be hired
chiel=child, young man
ae=one
e'en=eye
gaed=went
wime=belly
kirk=church
ain=own
brunt=burnt
snotter=nasal mucus
Where else would you like to go in Scotland?
